ပတၢ်အိၣ်ဖှိၣ်အံၤခဲအံၤ ၦၤလၢတီခိၣ်ရိမဲတၢ် မ့ၢ်ဝဲ  သရၣ်မုၣ်ၡံလၣ်ဖိမၠး န့ၣ်လီၤ. အဝဲမ့ၢ်ၦၤတဂၤလၢအအိၣ်ဟဲလၢကီၢ် လါ (ကီၢ်ပံၤယီၤ) လၢမ့ၢ် ကီၢ်ဘျံးဒဝဲၢ် ဒီး မ့ၢ်တ့ၢ်ၦၤကညီဘျၢထံခရံၥ်ဖိတၢ်အိၣ်ဖှိၣ် လၢ ကီၢ်ဘျံးဝဲၢ် မိၤရံဖိလိၤ န့ၣ်လီၤ.  အဝဲဖျိထီၣ်လံၥ်စီဆှံကၠိဖဲ ၁၉၈၂နံၣ် ဝံၤပၥ်လီၤအသး  လၢ ကမၤဒၣ်တၢ်သးခုကစီၣ်အတၢ်မၤဒီး မ့ၢ်လၢ တၢ်လိၢ်အိၣ် ထီၣ် အဃိအဝဲနုၥ်လီၤမၤတၢ်ဒံး တၢ်မၢဖိ တဂၤအသိး  ဖဲ  ဘျံးဒဝဲၢ် လၢသဝီ မလံး လၢၦၤ (ဆလုံ)ဖိ တဖၣ်အကျါန့ၣ်လီၤ.

ဖဲ ၁၉၈၁နံၣ် န့ၣ်အဝဲမၤသကိးဘၣ်ဒီး ကီၢ်ဘျံးဒဝဲၢ် ဖဲတၢ်ဒုးအိၣ်ထီၣ် ကီၢ်သူလ့ၤကညီဘျၢထံပိၥ်မုၥ်ကရၢ ဒီး အဝဲ ဟံးန့ၢ်မူဒါ ဒံး နဲၣ်ရွဲၣ် တဂၤအသိးန့ၣ်လီၤ. မ့ၢ်လၢထံလီၢ်ကီၢ်ပူၤတၢ်ဘၣ်ဂံၢ်ဂုၥ်ဒီး တၢ်ဒုးတၢ်ယၤအဃိ ဖဲ ၁၉၉၇နံၣ် န့ၣ်အဝဲဟဲတုၤဃီၤဆူကီၢ်ကၠီၣ်တဲၣ်ဘၣ်ကီဘၣ်ခဲဒဲကဝီၤ  ဒီး ဟံးန့ၢ်မူဒါဒံးအမ့ၢ်ကၠိ သ ရၣ်သိၣ်လိတၢ်တဂၤဖဲ MBBS မ့ၤစံၣ် လံၥ်စီဆှံကၠိန့ၣ်လီၤ.

တုၤဃီဖဲ ၂ဝဝ၅နံၣ် လါနိၤဝ့ဘၢၣ် အ ပူၤ အဝဲဒီး အဟံၣ်ဖိဃီဖိ ဒိးန့ၢ်ဘၣ်တၢ်ပျဲ လၢ ကဟဲသူၣ်ထီၣ်အတၢ်အိၣ်မူ လၢ ကီၢ် အီးစထြ့လယါအပူၤ န့ၣ်လီၤ. စးထီၣ်လၢအဝဲဟဲတုၤကီၢ်အီစထြ့လယါန့ၣ် အဝဲစးထီၣ်မၤသ ကိးတၢ်ဒီး ပၥ်ဒိၣ်ယွၤက ညီဘျၢထံခရံၥ်ဖိတၢ်အိၣ်ဖှိၣ် ဒံး တၢ်အိဖှိၣ်ဖိတဂၤအသိးန့ၣ်လီၤ.

လၢ ခံန့ၣ် မ့ၢ် လၢ တၢ်အိၣ်ဖှိၣ် အ တၢ်ဖံးတၢ်မၤအကပၤတဖၣ် အါထီၣ် အဃိ ဖဲ၂ဝဝ၆နံၣ် န့ၣ် တၢ် ဃု ထၢထီၣ်ဝဲ သရၣ် မုၣ်ၡံလၣ်ဖိမၠး ဒံး အ မ့ၢ် တၢ်အိၣ်ဖှိၣ်သရၣ် ၦၤမၤစၢၤတၢ် တ ဂၤ အ သိး န့ၣ်လီၤ. ဒီး စးထီၣ်လၢန့ၢ်လံၤလံၤလၢတၢ်အဲၣ် ဒီး တၢ်ဆီၣ်လီၤသး အ ပူၤ သရၣ်မုၣ် အံၤ ဟံးန့ၢ် မူဒါ ဒံး ခရံၥ် အ ၦၤ မၤသကိးတၢ် အ ဆံး တ ဂၤ လၢ သရၣ်ဒိၣ်အဲၣ်ထ နံၣ်ထီၣ် အ တၢ်ဟံးစုနဲၣ်ကျဲ အ ဖီ လၥ် န့ၣ် လီၤ.  ဒံးတၢ်အိၣ်ဖှိၣ်အံၣ်မ့ၢ်ဝဲဒၣ် ၦၤဘျးစဲ မၤသကိးတၢ်ဒီး ကီၢ်အီၣ်စထြ့လယါ ကညီဘျၢထံမၤသကိးတၢ်အိၣ်ဖှိၣ် တ ဖၣ် အသိး ဖဲ၂ဝ၁၅-၂ဝ၁၈ နံၣ်န့ၣ် တၢ်ဃုထၢထီၣ်အီၤဒံး ကီၢ်ပိၥ်မုၣ်ကရၢခိၣ်စၢၤ တဂၤအသိးန့ၣ်လီၤ. လၢတၢ် မၤသကိးတၢ်အပူၤ သရၣ်မုၣ်အံၤအိၣ် ဒီး တၢ်ထံၣ်စိ လၢ တၢ်အိၣ်ဖှိၣ် အ တၢ်ဒိၣ်ထီၣ်ထီ ထီၣ် ဒီး အ တၢ်လဲၤတၢ်ဆူညါအဃိ စးထီၣ် လၢ အဝဲဟံးန့ၢ် မူဒါ လၢ ၂ဝဝ၆-၂ဝ၂ဝနံၣ် အဝဲ ဂဲၤလိၥ် က တိၤသကိးတၢ် ဒီး တၢ်အိၣ်ဖှိၣ်ခိၣ်နၢ် ၦၤမၤသကိးတၢ် တ ဖၣ် ဒီး ဒုး အိၣ်ထီၣ်ဝဲ ဝဲၤကျိၤဝဲၤဒ့  တဖၣ် ဒံး အ မ့ၢ် ကျဲးစၢးကရၢ,  ပိၥ်မုၣ်ကရၢ,  တၢ်သးခုကစီၣ်ဝဲၤကျိၤ,  ဒီး နွံဖးဖီ တၢ်ဘါတၢ်ရဲၣ်တၢ်ကျဲၤ န့ၢ်လီၤ.  သရၣ်မုၣ် အံၤ ပ ထံၣ်  ဘၣ်  လၢ အ ဝဲမ့ၢ်မိၢ်လုၢ် ဒိၣ်ၦ့ၤဒိၣ် လၢ တၢ်အိၣ်ဖှိၣ် ခီဖျိပၥ်ဖျါဝဲ ဒိဂ့ၤတဲၥ်ဘၣ် လၢ အ တၢ်ဆီၣ်လီၤသး,  ဒီး  အတၢ်အဲၣ်ဘၣ် ကစၢ်ယွၤန့ၣ်, ဖျါဝဲ ပျီပျီၡံၡံ ဒီး တကးဘၣ်အမဲၥ်ညါ ပထံၣ်ဘၣ်လၢ အ ဝဲ မ့ၢ် ၦၤ လၢ အသးအိၣ်မၤလိန့ၣ်တၢ်အသီ ခီဖျိ  လၢတၢ်ဖးလံၥ်ဖး လဲၢ်မ့ၢ်ဂ့ၤ, တၢ်လဲၤခီဖျိ  လၢ အတၢ်ဖံးတၢ်မၤအပူၤမ့ၢ်ဂ့ၤ အမဲၥ်ညါ အါန့ၢ်အန့ၣ် လၢ တၢ်အိၣ်ကတဲၥ်ကတီၤသး လၢ တၢ် လၢ အတၤတၢ် ဒီး  တၢ်အိၣ်ဖှိၣ်လၢစိၤဆၢကတီၢ်ခဲအံၤ လၢ အထီန့ၣ် အဝဲမၤလိအါထီၣ်စ့ၢ်ကီးအသး လၢ ကၠိလၢကီၣ် အပူၤတုၤခဲအံၤဒံးန့ၣ်လီၤ. 

တုၤဃီၤဖဲ ၂ဝ၂ဝနံၣ် န့ၣ် ပတၢ်အိၣ်ဖှိၣ်သရၣ် လၢအမ့ၢ် သရၣ်ဒိၣ်အဲၣ်ထနံၣ်ထီ (ခဲအံၤ ပၢ်ကစၢ်ယွၤကိးက့ၤတ့ၢ်လံအီၤ) အံၤန့ၣ် စးထီၣ်ကွၢ်ဆၢၣ်မဲၥ်ဒီး နီၢ်ခိ အ တၢ်အိၣ်ဆူအိၣ်ချ့အတၢ်ဂ့ၢ်ကီ တဂ့ၤထီၣ် ဘၣ် အ မဲၥ်ညါနးထီၣ်ဝဲက့ၢ်က့ၢ်န့ၣ်လီၤ. မ့ၢ် လၢ တၢ်ဂ့ၢ်ဒံးအံၤအဃိၣ် အ ဝဲဘၣ်တၢ်ပၥ်က့ၤအီၤဒံးအမ့ၢ် တၢ်အိၣ်ဖှိၣ်သရၣ် သရၣ်ဒိၣ်  ဒိးတၢ်လၤကပီၤတဂၤ အ သိး န့ၣ်လီၤ. လၢ တၢ် န့ၣ်အဃိဖဲ ၂ဝ၂၁နံၣ် သရၣ်မုၣ်ၡံလၣ်ဖိမၠး အံၤ ဘၣ်တၢ်  ဃုထၢထီၣ် ဒီး ပၥ်ဂၢၢ်ပၥ်ကျၢၤက့ၤ အီၤဒံး အ မ့ၢ် တၢ်အိၣ်ဖှိၣ်သရၣ်မုၣ် ၦၤကွၢ်တၢ် တဂၤအ သိးန့ၢ်လီၤ. ဒီး စးထီၣ်  လၢ န့ၣ်လံၤန့ၣ် အ ဝဲဟံးထီၣ်က့ၤ မူဒါ လၢ တၢ်အဲၣ်တၢ်သးအိၣ် ဒီး လၢ တၢ် တီ ဒီး ကစၢ်ယွၤ ဒီး ခရံၥ်တၢ်အိၣ်ဖှိၣ်အံၤ တုၤမုၢ်မဆါ တ နံၤ ညါအံၤန့ၣ်လီၤ