ဟီၢ်ခိၣ်အံၤပှဲၤထဲတၢ်အ့ၣ်လိၥ်ဆိးက့, တၢ်ဒုးတၢ်ယၤ, တၢ်သူၣ်ဟ့သးဟ့ ဒီး တၢ်အိၣ်မူလီၤဂၥ်ဒံးပှၤလဲၤတၢ်လၢတၢ်ခံးကျါ ဒီး တသ့ၣ်ညါဝဲဒၣ်အတၢ်တိၥ်ပၥ်အလီၢ်ဘၣ်န့ၣ်လီၤ. လၢ တၢ် န့ၣ် အဃိတနံၤအံၤ ပဝဲပှၤစူၤက့ၤနၥ်က့ၤတၢ် ပှၤခရံၥ်ဖိတဖၣ် ယွၤအကလုၥ်ကထါစံးဘၣ်ပှၤလၢပကဘၣ်ကဲထီၣ်တၢ်ကပီၤတဖျၢၣ် လၢ အပီၤထီၣ်လၢတၢ်ခံးကျါ ဒီး ဟ့ၣ်တၢ်ကပီၤဆူပှၤလၢပခိၣ် ပဃၢၤန့ၣ်လီၤ. ကျဲအဂၤတအိၣ်နီတဘိဘၣ် အိၣ်ဒၣ်ထဲတဘိ လၢ ပကအိၣ်မူပိၥ်ထွဲ ခရံၥ်အဒိအတဲၥ် ဒီး မၤလၢထီၣ်ပှဲၤထီၣ်အတၢ်မၢလီၤန့ၣ်လီၤ. တၢ်မၤဝဲအံၤတမ့ၢ်ထဲတၢ်အိၣ်ဖှိၣ်တဖု, ဟံၣ်ဃီတဒူၣ်, မ့တမ့ၢ် တၢ်ကရၢကရိတဖုဖု အတၢ်မၤဧိၤဘၣ် မ့ၢ်ဝဲဒၣ် ပှၤစူၤက့ၤနၥ်က့ၤတၢ် ကိး အ ဂၤအတၢ်မၤန့ၣ်လီၤ. ခရံၥ်ကိးက့ၤပှၤ လၢ ပကမၤလၢထီၣ်ပှဲၤ ထီၣ် က့ၤ အ တၢ်မၢ်လိၥ် ခီဖျိတၢ် ဒုးသ့ၣ်ညါ ဟီၣ်ခိၣ်လၢ တၢ်မ့ၢ်တၢ်တီ, မၤစၢၤပှၤဒံးသိး ကထံၣ်က့ၤ တၢ်ကပီၤ, တၢ်အိၣ်မူအတၢ်မုၢ်လၢ်ကွၢ်စိ, သးအတၢ်မုၣ်တၢ်ပၢၤ ဒီး အဒိၣ်ကတၢၢ် ဒုးသ့ၣ်ညါ ဟီၣ်ခိၣ် လၢ ခရံၥ်အတၢ်သးခုကစီၣ် လၢ ကကွဲဃီၤကိးဃီၤက့ၤသးသမူလၢအလီၤမၢ်သ့ၣ်တဖၣ်န့ၣ်လီၤ.